Јордан - октомври - ноември 2023 / Акаба – Вади Рум – Петра – Мадаба – Небо – Мртво море – Аман – Џераш – Аџлун

Акаба – Вади Рум – Петра – Мадаба – Небо – Мртво море – Аман – Џераш – Аџлун

ТЕРМИНИ на поаѓање: 13.10.2023, 20.10.2023, 27.10.2023, 03.11.2023, 10.11.2023, 17.11.2023, 24.11.2023, 01.12.2023

Јордан е блискоисточна земjа. На север се граничи со Сирија, со Ирак на североисток, со Саудиска Арабија на исток и со Израел на запад. Вкупната должина на границата е 1619 km. Излегува на заливот Акаба и Мртво море. Должината на брегот изнесува 26 km. Јордан е уставна монархија базирана на уставот прогласен на 8. јануари, 1952 год. Административно, Јордан е поделен на 12 покраини (мухафази), со кои управуваат гувернери кои ги поставува кралот. Тие се единствена власт за сите подрачја на власта и развојните проекти во нивните области. Составен е главно од сувиот пустински дел на истокот и со повисокиот дел на западот. Долината на реката Јордан го двои Јордан од Израел. Најниската точка е Мртво море (408 м под морското ниво). Јордан се смета за дел од “колевката на човештвото”. Климата е сува и жешка, бидејќи земјата е главно пустинска. 

Петра  своевремено била главен град на арапското Набатејско царство, центар на трговијата, место за одмор на карваните, a развојот на градот продолжил и за време на Римското царство. Од западниот свет е откриена дури 1812 год., кога ја открил швајцарскиот пронаоѓач Johan Ludvig Burhardt. Под заштита е на УНЕСКО. Од 5. до 3. век п.н.е. градот бил важно трговско средиште, а од трите страни на светот бил неосвоив, поради тоа што е исклесан во карпите, опколен со стрмните литици и во него се влегувало низ вијугав теснец. Бил единствено место помеѓу Јордан и Централната Арабија каде не само што ја имало водата во изобилие, туку била позната и по својата бистрина. На тој начин Набатејците ја направиле Петра, важна алка во трговскиот ланец од која живеела Јужна Арабија. Како поморскиот пат кон Индија станувал се попознат, карваните се повеќе оделе на север кон Палмира и тогаш почнала да го губи значењето. Развојот на градот продолжил и во времето на Римското царство и најголемата слава ја имала во првиот век на новата ера. 105-та год. била кобна за Петра, кога Рим, под Трајанова управа, ги укинува нејзините привилегии. Сочувани се околу 800 градби, обележени со набатејските, грчко-хеленистичките и римските влијанија. Ризница – на излезот од клисурата се наоѓа најверојатно најпознатата градба на Петра, Khazne al-Firaun. Изразот “градба” и не е најсоодветен, бидејќи објектите не се градени, туку се вклесани во карпите. Бедуините ја викале “Ризница на фараоните”, но таа е само една од многубројните гробници во Петра.

Вади Рум, позната и како Долина на месецот, сместена во јужниот Јордан, 60 км од Акаба, во близина на границата со Саудиска Арабија, во која се наоѓаат разни пустински предели со лепезата на тесните клисури, природни лакови, вртоглави литици, клизишта и пештери. Петроглифи, натписи и археолошки остатоци пронајдени на ова подрачје сведочат за 12.000 години човечка населеност. Името Вади Рум веројатно потекнува од арапскиот збор wadi (uadi) што значи “долина” и арамејскиот корен рум, што значи “издигната” или “висока”. Највисокиот врв е Ум Дами висок 1800 метри. Особено се вредни неговите 25.000 резбарии и 20.000 натписи во стени, со што може да се прати еволуцијата на човечката мисла и раниот развој на писмото.

Цена од 885 – 970 еур по лице за пакет аранжман – во зависност од терминот!

Цената вклучува: ♦ авио билет Софија-Акаба-Софија ♦ аеродромски такси ♦ 20кг чекиран багаж и 5кг рачен ♦трансфери на дестинација ♦автобуски превоз на дестинацијата ♦ 4 ноќевања во Акаба во хотел 4* на база полупансион ♦ 2 ноќевања во Аман во хотел 4* на база полупансион ♦ 1 ноќевање во пустината Вади Рум во бедуински камп на база полупансион ♦ посета на набатејскиот град Петра ♦ џип сафари во пустината Вади Рум ♦ посета на Мадаба, Небо, разглед на Аман, Џераш, Аџлун, посета на Мртво Море ♦професионален водич ♦ сите влезници за објектите според програмата ♦ јорданска виза ♦ трошоци на организацијата на аранжманот 

ПРОГРАМА

8 дена / 7 ноќевања

Авионска програма со поаѓање од Софија (со можност за трансфер од Скопје)

ДЕН 1  – Софија – Акаба

Пристигнување на аеродром во Акаба, средба со претставник на локалната агенција. Сместување во хотел во Акаба. Ноќевање.

ДЕН 2  – Акаба 

Слободен ден за плажа и екскурзии. Појадок. Слободно време за плажа или по желба полудневна екскурзија – снорклинг, нуркање во топлите тропски  води на Црвено море. 

ДЕН 3 – Посета на Петра – Акаба

Појадок. Посета на древниот набатејски град Петра – едно од седумте светски чуда и под закрилата на УНЕСКО. Посета на градот до кој води километарски процеп низ карпите – ќе се видат неговите храмови, гробници, олтари и улици со колонади. Ноќевање во Акаба.

ДЕН 4 – Акаба – Вади Рум

Појадок. По појадокот се упатуваме кон јужен Јордан за да ја посетиме мистериозната пустина Вади Рум која домаќините ја нарекуваат ,,Долина на месечината“. Вечера. Ноќевање.

ДЕН 5  – Мадаба – Небо – Аман 

По појадокот следува посета на Мадаба – град познат по мозаиците на Ерусалим и Светата Земја од 6ти век, прошетка до православната црква „Свети Георги“(не се влегува). Планината Небо, спомната во библијата како место каде Мојсеј ја виде  Ветената Земја. Од врвот ќе ја видите неверојатната панорамска глетка кон реката Јордан, Мртво Море и Ерусалим. Ноќевање во Аман.

ДЕН 6 – Аман – Џераш – Аџлун – Аман

По појадокот следува градска тура низ Аман – престолнината на Јордан. Посета на Цитаделата – археолошки остатоци од древните грчки и римски  периоди. Посета на Храмот на Херкулес и Музејот на Цитаделата со статуетките Еин Газал, изработени пред повеќе од 6500 години. Посета на Античкиот  театар. Панорамски разглед на Аман со автобус – Стариот пазар Сук, Дворецот на кралот џамијата на Абдула, со фото паузи. Потоа се упатуваме во посета на древниот римски град Џераш – улици и колонади, амфитеатри, плоштади, римски бањи, фонтани … Продолжуваме кон северен Јордан за посета на еден од најважните историски објекти на Блискиот исток – Аџлун. Замокот Ajloun (Qal’at Ar-Rabad) е прекрасен пример за исламска архитектура, изграден во 1184 г за да дејствува против напредувањето на крстоносците и како заштита на патиштата помеѓу Јордан и Сирија. Ноќевање во Аман.

ДЕН 7 – Аман – Мртво море – Акаба

По појадокот продолжуваме кон Мртво море, најниската точка на земјата, длабоко во долината на реката Јордан и на 55 км југоисточно од Аман. Ноќевање во Акаба

ДЕН 8  – Акаба – Софија

Појадок. Трансфер до аеродром Акаба. Полетување Акаба – Софија