БАНСКО
Банско е рекреативен скијачки центар сместен на северо-источните падини на планината Пирин, на надморска височина од 925 м. Лежи на реката Глазне, а највисокиот врв Вихрен е со надморска височина од 2914 м. Од Софија е оддалечен 165 км, а од границата со Македонија 50 км. Располага со 17 скијачки патеки (должина 75 км) и 27 ски-лифтови. Наjвисоката точка на ски-центарот е 2560 м, а наjниската – 1000 м.
Последните десетина години градот доживеа градежна експанзија, така да понудата е навистина голема и за сечив џеб. Ски центарот нуди голем број на механи, кафетерии и барови, ноќни клубови, одлично снабдени маркети, продавници… Во близина на Банско ски центарот се и Бања Банско и Бања Добриниште, каде можете да уживате во благодетите на термалните лековити извори. На 10 км од Банско кон Разлог е и еден од најголемите голф терени во регионот.
Ски центарот Банско е препорака за сите генерации, за врвните скијачи но и за оние кои не скијат, поради големата и разновидната понуда.
