СИВОТА
Сивота припаѓа на регијата Теспротија, областа Епир во северозападниот дел на Грција. Сместена помеѓу Игуменица и Парга, во преубав архипелаг, каде што секоја увала крие убава плажа со кристално чиста вода. Доколку барате мирно место за одмор, а со сите потребни содржини, Сивота би можела да биде Вашиот избор. Центарот амфитеатрално се спушта кон морето, со поглед на 2 островчиња, а посебен впечаток му дава марината со десетици всидрени јахти и бротчиња. Сивота ја препорачуваме исклучиво за одмор со сопствен превоз од причина што плажите се оддалечени една од друга, а самото место е брдовито. До одредени плажи има и туристичко вовче, а може да се изнајми и чамец.
Mega Ammos, песочно-камчеста и најголема плажа во регионот – надвор од Сивота на патот кон Пердика. Плажата е организирана, со лежалки и чадори, кафетерии, таверни, мини маркети.
Mikri Ammos во близина на Mega Ammos плажата, и е со слични карактеристики, само помала.
Bella Vraka е една од најубавите плажи во Сивота, која треба да се посети задолжително. Сместена на островот Mourtemeno, до нејзе се пристинува преку песочен спруд. Морето тука е топло, но бидејќи не е организирана, за престој на оваа плажа треба да земете се што ви е потребно.
Zavia е организирана плажа со бар, лежалки и чадори за сонце. Морето е смарагдно зелено, а има и доста сенка на самата плажа.
Galikos Molos се наоѓа во близина на Сивота, најблиска до централниот дел и марината. Плажата е потесна и со ситни камчиња, но со топла вода, па се препорачува за семејства со мали деца. На самата плажа постои и мала таверна, каде можете да се освежите.
Zeri е живописна, мала, камчеста плажа, сместена помеѓу плажите Dei и Galikos Molos. Името го добила по традиционалната турска таверна, каде што можете да уживате во кафето или јадењето во прекрасно опкружување. Влезот во водата е плиток, морето топло а за најмладите тука има мини аква парк.
Piscina е најпозната и најдобра плажа на островцето Macro oros, со бела ситна песок и прекрасна сина вода, како на некој егзотичен остров. Името на оваа плажа значи базен и до нејзе може да се дојде само со чамец или бротче. Морето е плитко, но не е организирана, па ако планирате подолг престој понесете се што ви е потребно.
Karvouno е плажа најблиску до пристаништето. Плажата е организирана, со лежалки и чадори, ресторан и бар.
Karavostasi е широка и 2 km долга плажа со кристално чисто и топло море, на 16 км оддалеченост од Сивота. Плажата е организирана со лежалки и чадори. Оттука се протега убав поглед на островите Паксос, Антипаксос и Крф, кои препорачуваме да ги посетете.
Ова е само дел со најпознати плажи во Сивота… Останатите ви оставаме вам да ги откриете…
