ОЛИМПСКА РЕГИЈА / ПИЕРИА
Олимпска регија или Пиериа се наоѓа на североисточниот дел од континенталната Грција. Од нејзината западна страна се наоѓа познатата планина Олимп која воодушевува со својата природна убавина и која е од 1985 година прогласена за национален парк. Главен град на оваа област е Катерини. Карактеристиките на оваа регија се бреговите со широки песочни плажи во правец север-југ, во должина од 70км. Во централниот дел на Пиериа се наоѓаат две летувалишта: Паралија Катерини и Лептокарија кои со своите бројни содржини привлекуваат голем број на туристи, како и Неи Пори, Олимпик Бич, Платамона и Литохоро кои исто така се популарни дестинации во оваа област. Тука се наоѓа и археолошкиот локалитет Дион, со остатоците на некогашното светилиште, гробница, театар и базилика кои сведочат за важноста на ова култно место во минатото.
