ПЛАТАМОНА
Во близина на планината Олимп, во јужниот дел на Пиериа, помеѓу Лептокарија и Неи Пори, се наоѓа убавото гратче Платамона, полно со зеленило и со долга плажа. Од Лариса е оддалечен 54 км, 38 км од Катерини со кои е поврзана со автобуски и возни линии. Пријатната клима, топлото море и љубезните жители се одлики на ова туристичко место. Заштитниот знак на градот е преубавиот Венецијански замок. По должината на шеталиштето е градската плажа, а по пристаништето се наоѓа убава голема плажа. Летувалиштето изобилува со бројни таверни, кафетерии, дискотека, продавници, хотели и апартмани. Не пропуштајте да го посетите замокот и традиционалната населба Palios Panteleimonas.
