НЕГОРСКИ БАЊИ
Податоци за благотворното дејство на душата и телото од минералните води од Негорски Бањи постојат уште од далечната 1864. Научните докази за лековитоста на водата датираат од 1950 година кога е формирано бањското лекувалиште. Во регионот на бањата постојат 2 извора “Врела Бања” и “Ладна бања”. Водата во врелата бања има температура од 40°C, а во ладната бања 37°C. Таа во својот состав содржи калциум, магнезиум, рубидиум, цезиум, радон и други минерали.
- Бањската вода помага при лекување на:
- Ревматски заболувања-зглобен и вонзглобен ревматизам
- Дегенеративни заболувања на коски и зглобови и рбетен столб-артрози, дискус хернија, спондилоза
- Пострауматски и постоперативни состојби во ортопедија
- Заболувања на нервниот систем – состојби по мозочен удар, парези на периферните нерви неуропатии, мултиплекс склероза, церебрална парализа, мијелити, радикулопатии итн.
- Заболувања на гастроинтестинален систем-гастритис, чир на желудник и дванаестпалачно црево, воспаление на жолчка и жолчни патишта, хронични воспаленија на дебело црево
- Кожни заболувања -псоријаза, егземи
- Заболувања на уринарниот систем-воспаленија на мокрачни патишта, камења во бубрег
- Кардиоваскуларни заболувања-циркулаторна инсуфициенција на периферни артерии од различна етиологија, почетна артериска хипертензија
- Пореметувања во менструалниот циклус, аменореја, стерилититет, хронични воспаленија на јајници и јајоводи
- Респираторни заболувања-ларингити, хронични бронхити, бронхиектазии, бронхијална астма
- Латентен дијабет
- Остеопороза
