АГИОКАМПОС
Крајбрежната населба Агиокампос е продолжение на планинското село Скити. Од Лариса е оддалечено 51 км. Населбата е воглавно туристичка, со помалку од 300 жители, кои вон сезона живеат во околните села или градови.
Плажата Агиокампос е песочно-камчеста, со кристално чиста вода. Со плажите на соседната Велика и Сотирица, кои се споени, достигнува должина од фантастични 14 км, и се најпопуларните плажи во префектурата Лариса. Постојано растечка понуда на сместувачки капацитети, во комбинација со ноќниот живот и прекрасната природа, како и со спомениците во областа, го прават Агиокампос интересно туристичко одморалиште.
