ТАРА

Планина Тара припаѓа на ланецот на Старовлашките планини. Се наоѓа на крајниот запад на Србија, опфаќајки подрачје ограничено со текот на реката Дрина, Вишеград и Бајина Башта. Во најтесниот дел на масивот сместена е планината Звијезда, која е од Тара природно одделена со клисурата на Дервента. Според надморските височини, Тара спаѓа во средно високи планини, со највисокиот врв на Националниот парк Козји рид – 1.591 метри, а највисокиот врв на планината Тара е Збориште со свои 1.544 метри.

Националниот парк Тара со Паркот на природата Шарган – Мокра Гора, Паркот на природата Златибор и Националниот парк Дрина во Република Српска (БиХ) е предвиден за потенцијален прекуграничен резерват на биосферата во оквирот на УНЕСКО-вата програма “Човекот и биосферата”.

Ова е типично шумско подрачје, а по сочуваноста и разновидноста на шумските екосистеми, спаѓа во најбогатите и највредните шумски подрачја на Европа. На Тара доминираат мешовитите шуми на смрча, ела и бука. Особена вредност и значај има Панчиќева оморика (Picea omorikа), ендемичната и реликтната врста, која успеала да преживи последно ледено доба.

На подрачјето на паркот се наоѓаат бројни археолошки локалитети и споменици на културата кои датираат од неолит па до современо доба. Најзначаен споменик е манастирот Рача, задужбина на кралот Драгутин од 13. век, кој е еден од најзначајните центри на српската средновековна писменост. Тука се и средновековните некрополи со стеќците во Растиште и Перуќац кои се ставени на листата на УНЕСКО, како дел од светското културно богатство.