Maria Pashalidou House - Nea Roda, Athos

Maria Pashalidou е лоцирана во непосредна близина на строгиот центар, на само 20 метри од плажата во Неа Рода, на третиот крак Атос. Располагаме со трoкреветни полуапартмани на прв и на втор кат и петкреветен апартман на прв кат. Сместувачките единици имаат спална соба, купатило, тераса со директен поглед на море, издвоена кујна опремена со мини електрично решо, фрижидер со одделна комора за замрзнување, телевизор и клима уред чие користење е вклучено во цената. Не е дозволено да го оставате вклучен клима уредот доколку не сте во апартманот. Во спротивно сопственикот има право да го исклучи. Сите сместувачки капацитети имаат постелнина и пешкири, кои се менуваат еднаш во текот на десет дена. Затоплувањето на водата во целата куќа е со сончеви колектори. Куќата е покриена со бежичен интернет. Агенцијата не може да влијае на

капацитетот и периодите со топла вода, ниту да биде одговорна за квалитетот на интернет конекцијата.

Живописното приморско место Неа Рода е вистинскиот избор за сите кои се уморни од гужвата на плажите и сакаат да откријат нешто ново, а во исто време да уживаат во природните убавини. Местото има исклучително чисто море и долга песочна плажа со сино знаме за чистота, поплочени тесни улички со традиционални камени куќи и дворови полни со цвеќе, неколку барови покрај плажата, таверни, маркети, амбуланта, аптека…