ЦЕНОВНИК БР.1 ЗА РЕЗЕРВАЦИИ НАПРАВЕНИ ДО 20.12.2024
5% ПОПУСТ ЗА УПЛАТА НА 40% АВАНС СО РЕЗЕРВАЦИЈА
+ 10% ПОПУСТ ЗА КОМПЛЕТНА УПЛАТА СО РЕЗЕРВАЦИЈА
*ЗА ПЛАЌАЊЕ СО КАРТИЧКА ПОПУСТОТ СЕ НАМАЛУВА ЗА 2%
Работно време: пон-пет 10:00-18:00
Alexandros House - Sarti, Sithonia
ЛЕТО 2025
ALEXANDROS – Се наоѓа во стариот дел на Сарти на угорница над црквата, на околу 250m од градската плажа и увалите. На само 120m од центарот, a сепак е далеку од бучавата и галамата. Реновирана е 2010 год и нуди бежичен интернет, за чија брзина агенцијата не може да гарантира, SAT TV , клима уред чие користење е вклучено во цената за престој во јули и август. Сите сместувачки единици се со пространи тераси, a поголемиот број имаат преубав панорамски поглед на море и Сарти. Студијата и апартманите на прв кат, поради новоизгрдената куќа повеќе немаат поглед на море, па доколку е тоа главната причина за избор на оваа куќа, одберете сместување на повисоките катови.
Двокреветни студија се наоѓаат на приземје и ниско приземје (влез во ниско приземје, терасите се во висина на прв кат, поради конфигурација на теренот). Сите имаат споени два единечни легла, мал фрижидер, решо, средно големи тераси со поглед на улица, освен едното кое гледа на ѕид од новоизградената куќа, комарник, мали купатила со озидана туш-када.
Трокреветните студија се наоѓаат на приземје и имаат три единечни легла, мал фрижидер, мал шпорет, средно големи тераси со тенди и со поглед на море, мали купатила со озидани туш-кади, комарници.
Во понуда е и едно 2+2 студио со помала квадратура сместено во ниско приземје (влез во ниско приземје, терасите се во висина на прв кат, поради конфигурација на теренот), има брачен кревет и метални кревети на кат, мал фрижидер и решо, мало купатило со озидана туш-када, голема тераса со тенда со поглед на соседната куќа, комарници.
Четворокреветните апартмани се со поглед на море, се наоѓаат на високо приземје и прв кат. Едните се со 2 единечни кревети во спална соба и 2 единечни кревети во кујнскиот дел. Другите се со 2 единечни кревети во спална соба и софа на расклопување ве кујнскиот дел. Опремени се со фрижидери со средна големина со комора за замрзнување, некои имаат решо а некои мал шпорет. Клима уреди се во кујнскиот дел, имаат комарници, големи тераси со тенди и купатила со озидани туш-кади.
Петткреветни апартмани се наоѓаат во ниско приземје (влез а терасите на ниво на прв кат поради конфигурација на теренот) и на прв кат. Апартманите во ниско приземје имаат 2 единечни кревета во спална соба и три единечни во кујнскиот дел, два од апартманите се само со светларник на кај дневниот престој наместо прозор, имаат мали фрижидери и решоа, големи тераси со тенди и поглед кон другата куќа, комарници, купатила со озидани туш-кади. Апартманите на прв кат имаат два единечни или брачен кревет во спалната соба и софа на расклопување и уште еден единечен кревет или два единечни и софа која не се расклопува во кујнскиот дел. Имаат средно големи или големи фрижидери со комори за замрзнување и големи шпорети, по две тераси, голема и средна од кои едната е со поглед на море, купатила со озидани туш-кади, комарници, клима уреди во кујнскиот дел.
Куќата е реновирана пред десетина години и нуди стандардно сместување. Во нашата понуда е долги низ години и е со добар сооднос цена/квалитет. Посебна погодност е за сопственици на домашни миленици, кои ги прима на барање и со најава!
ГАЛЕРИЈА
*Понудата е исклучиво за сопствен превоз и нема можност за резервација на автобуски превоз од Македонија дополнително!
*Сликите на објектот и сместувачките капацитети прикажани на веб страната на Арт оф Травел се од информативен карактер, по случаен избор, за да имате претстава за изгледот на истиот и не значи дека сите сместувачки капацитети се со ист распоред, поглед, намештај, плочки во купатило и сл.
Цените се во евра, плаќањето е во денари по курс 1еур=62ден
За резервација без попуст потребна е уплата од 40% со резервација, а останатиот дел се доплаќа најдоцна 30 дена пред поаѓање.
За резервација со попуст е потребна комплетна уплата со резервација.
Цените се валидни за плаќање во готово (кеш) или на ф-ра. За плаќање со картичка (Виза и Мастер) попустот се намалува за 2%, односно сумата без попуст се зголемува за 2% банкарска провизија!
За валидна резервација се потребни следните податоци:
-име и презиме на сите патници
-датум на раѓање на децата до 12 год
-контакт телефон
-е-маил адреса (доколку ја поседувате)
– адреса на живеење од едниот пасош (носител на резервација)
Документацијата потребна за патување (ваучер за уплатениот одмор и инструкции како да стигнете до местото, како и контакт тел. од претставникот) ја добивате 5-7 дена пред патување на е-маил адреса, оставена од Ваша страна во агенција или лично ја подигнувате во агенцијата по добиено телефонско известување дека е пристигнат. Ваучерот е потребно да го имате во печатена верзија во 2 примероци, од кои едниот примерок го предавате на претставникот, а вториот го задржувате. По пристигнувањето на дестинацијата, потребно е да го известите претставникот како би ве регистрирал.
Такса за престој, во висина од 1,5 евро по сместувачка единица на ден се плаќа на лице место пред влегување во објектот.
*ЗА КОМПЛЕТНА УПЛАТА СО РЕЗЕРВАЦИЈА ДО 20.12.2024 НАМЕСТО ПОПУСТ МОЖНА Е ЗАМЕНА ЗА ГРАТИС ОДМОР ИЛИ ОДМОР СО 50% ПОПУСТ ОД 10. – 20. МАЈ!
За комплетна уплата со резервација, постои можност за замена на попустот за сместување во терминот од 10. – 20.05.2025, и тоа:
– за комплетна уплата со резервација за престој во термините со почеток од 20.05. – 12.06. и 28.08. – 24.09., се одобрува попуст од 50% на цената на наемот за избраното сместување
– за комплетна уплата со резервација за престој во термините со почеток од 13.06. – 27.08., се одобрува ГРАТИС сместување за соодветниот број на лица, во периодот од 10. – 20.05., во објект по избор на организаторот. Објектот се одредува 7 – 10 дена пред почетокот на патувањето.
-Влез во сместувачките единици е по 15ч, а напуштање до 09:30ч по локално време.
-За хигиената во сместувачките единици се грижите сами, освен ако не е наведено поинаку во описот.
-Поради зголемувањето на цените на ел. енергија, се молат гостите да не го оставаат клима уредот вклучен кога не престојуваат во просторијата. Во спротивно сопственикот на објектот има право да ја укине услугата.
-За било какво оштетување на инвентарот за време на престојот, патниците се должни да ги известат сопствениците или претставникот на дестинацијата и истото да го подмират на лице место.
-За било каков недостаток од инвентарот, расипан уред или сл. пријавувањето можете да го извршите директно на претставникот на Организаторот, чиј тел. бр. ќе го добиете со ваучерот, 5-7 дена пред поаѓање.
Политика на откажување на резервацијата од страна на патникот:
Патникот е должен по писмен пат да достави допис за откажување на патување. Истиот ќе биде проследен до организаторот на патувањето. Доколку сами најдете замена за уплатениот одмор, ќе Ви бидат наплатени само пенали за измена на податоци во висина од 25 еур во денарска противвредност. Во спротивно доколку целосно се откажува патувањето, пеналите се според денот на откажувањето и за истите важат посебни услови на откажување усогласени со условите на давателот на услугата, а не Општите на Арт оф Травел :
45+ дена пред поаѓање 10%
44 – 30 дена пред поаѓање 20%
29 – 20 дена пред поаѓање 30%
19 – 15 дена пред поаѓање 50%
14 – 10 дена пред поаѓање 90%
9 – 0 дена пред поаѓање или во текот на престој 100%
Промена на датумот на патување, сместувачката единица или објектот ќе се смета како откажување од патување.
За секоја извршена промена на податок во договорот за патување се наплаќа административна такса во висина од 25 ЕУР!
За влез во Р. Грција пасошот треба да е со важност мин. 3 месеци од денот на враќање. Ве молиме истите да ги проверите пред уплата на резервација! Агенцијата не е одговорна за невалидни и истечени патни документи на сите наведени лица од потпишаниот договор, и нема да се смета за основ за откажување на резервацијата!
Патничко здравствено осигурување е препорачано да го имате за патување во странство. Информациите околку тип, цена и сл. можете да ги добиете директно во агенција.
Можеби ќе Ви се допадне
Hotel Bologna 4*– Valona
POTOS Hotel *** – Potos, Tasos
NIK POPI – Leptokarija, Pieria
Vila MAGNOLIA – Sivota, Jonski Breg
Страницата на Art of Travel е од информативен карактер! Се трудиме редовно да ја ажурираме, но постои можност за поинакви информации од моментално објавените. Ве молиме сите цени и описи на објекти да ги проверите директно во агенцијата телефонски, на mail или лично. Ви благодариме на разбирањето.
© Copyright document.write(new Date().getFullYear()); Art of Travel
