АСПРОВАЛТА

Аспровалта е комбинација на се што може да го интересира секој посетител: златната плажа, чистото море, планината Кердилиа, езерото, многу зеленило, археолошките и историските наоѓалишта. Припаѓа на општината Димос Волвис и Солунската регија. Брегот на ова модерно туристичко гратче со години е наградувана со сино знаме. Убаво уредената плажа и услугата, забавата и сместувањето, културните манифестации кои ги организираат жителите, ги привлекуваат и најпробирливите. Во бројните продавници, бутиците и маркетите, се наоѓа за секого по нешто. Погодна за сите генерации поради кафетерии и клубови во центарот и на самата плажа, бројните таверни и ресторани со рибни и традиционални грчки специјалитети. Жителите се гостопримливи и традиционални што се гледа во секојдневниот живот, работа, игра, песна.

Плажата е пространа, долга околу 3 km, а широка околу 200 m. Опкружена е со високи планини и бујното зеленило. Аспровалта значи бела долина, поради беличастиот песок со кој е прекриена во комбинација со камчиња на влезот во морето. Морето е со нормална длабочина, чисто и бистро и носител на сино знаме. Плажата е уредена, организирана, со тушеви и кабини за пресоблекување, лежалки и чадори бесплатни со конзумација на пијалок. Уз плажата е долго шеталиште и убав парк со детско игралиште, убави медитерански растенија, клупи и фонтана. Добра е и за семејства со деца, поради тоа што никогаш не е преголема гужва, особено каде што нема барови. Во близина е и бесплатен паркинг, во самото место.