Aparthotel Lazaridis - Nea Roda, Athos

На околу 150 метри од плажата, во мирниот дел на Неа Рода, на третиот крак Атос, се наоѓа хотелот од апартмански тип Lazaridis, каде располагаме со трокреветни студија (со фотеља на расклопување), на високо приземје и прв кат. Сите сместувачки капацитети се опремени со мебел соодветен на хотелско сместување, мини кујна, телевизор и клима уред, чие користење е вклучено во цената. Не е дозволено да оставате вклучен клима уредот, доколку не сте во студиото. Во спротивно сопственикот на куќата има право да го исклучи. Студијата имаат сопствени купатила и пространи тераси со поглед на море. Сите сместувачки капацитети се опремени со постелнина и пешкири, кои се менуваат еднаш во текот на десет дена. Затоплувањето на водата во целата куќа е со бојлери. Куќата е покриена со бежичен интернет. Агенцијата не може да биде одговорна за квалитетот на интернет конекцијата. Во непосредна близина на објектот има простор за паркирање на возила. Апартхотелот Lazaridis има рецепција, сеф, снек бар, прекрасна тераса, која можат да ја користат сите гости на хотелот, а во хотелот има можност за појадок (со доплата на рецепција). До центарот на ова живописното приморско место имате десетина минути бавно пешачење, а доколку се одлучите да ги посетите околните плажи, тогаш изборот задолжително нека биде на атрактивната плажа Voulitsa, која уште на првата средба ќе Ве остави без здив (се наоѓа во непосредна близина на хотелот). На 4,5 км. од хотелот пак се наоѓа фантастичната песочна плажа Komitsa, која токму заради својата раскошна убавина е на листата на светските културни богатства и е под заштита на УНЕСКО како подрачје со природна убавина.

Напомена: Во студијата можат да се сместат најмногу 3 лица – двајца возрасни и дете до неполни 12 години. Во овие студија не е дозволено да се сместуваат 4 лица – двајца возрасни и две деца без оглед на возраста на децата.