ВРЊАЧКА БАЊА
Врњачка Бања се наоѓа во централна Србија, во долината на Западна Морава, на надморска височина од 17 m, и административно му припаѓа на Рашкиот регион. Сместена е помеѓу планината Гоч (1216 m) и Западна Морава. Климата во Врњачка Бања е умерено континентална со влијание на планинска. Летата се со свежи утра и вечери, поради ветерот кој дува од Гоч кон Западна Морава, а зимите се снежни и без остри мразови. Средната годишна температура е 10,5°C, а средната летна 0°C.
Врњачка Бања има седум минерални извори: топла вода, Слатина, Снежник, Езеро, Борјак, Бел извор и Врњачко врело, од кои за терапиите се користат четири (топла вода, Снежник, Езеро и Слатина), додека водите од другите три извора се флашираат како природни минерални води (Вода Врњци – Борјак, Борјак 3 и Белимарковац за Елемент вода).
Врњачка Бања има долга традиција на лекувалиште. На врњачкиот топол минерален извор од 2.-4. век Римјаните изградиле лекувалиште AQUAE ORCINAE. За тоа сведочат археолошките наоѓалишта, римскиот извор на топла минерална вода (Fons Romanus) и металните парички пронајдени во изворот.
Развојот на модерната Врњачка Бања започнал во 1868-ма година.
Врњачките минерални води се за лекување: шеќерни болести, состојби по прележана заразна жолтица, хронично воспаление на цревата и желудникот, заболувања на жолчната кеса и жолчните патишта, чир на желудникот и на дванаестопалачно црево, заболувања на бубрежната карлица и уринарниот тракт.
Во регионот околу Врњачка Бања имате можност да уживате во убавините на многубројните манастири, старите цркви и тврдини, културно-историските споменици, планинските излетишта, убавите реки, мирисните лозја. Падините на Гоч се прекриени со густа букова и четинарска шума, стебла со сливи, лозја и бројните полиња со малини.
Тука е создадена првата српска држава Рашка. Од тој период останале и најзначајните споменици на културата. Стари градови, манастири и цркви, сочувани до денешните денови сведочат за културата на српскиот народ. Од позначајните се остатоци на Маглич, Рас, Брвеник, Јелац, Лазарев град, Козник и др. Во овие краишта се и спомениците на Рашката и Моравската школа: манастир Студеница (1196), Жича (1210), манастир Љубостиња (1405), Ѓурѓеви ступови (1168), Сопоќани на кралот Урош I.
