СКИЈАТОС
Скијатос, слободно може да се каже дека е едно од најпопуларните грчки острови, како меѓу младите, поради добрата забава, така и меѓу повозрасна популација поради мирот, тишината и прошетките покрај мирното море. И покрај тоа што има површина од само 50 km2, островот може да понуди за секој по нешто. Скијатос изобилува со убави плажи, дури 66 се на број, а најпознатите се Кукунарија и Лаларија. Својата популарност ја должи баш на плажите со специфична „златна“ боја на песокта, како и доста од нив со природна ладовина од боровите дрвја. Еден од адутите на островот е и главниот град Скијатос, познат по возбудлив ноќен живот. Монденски Скијатос ќе Ве воодушеви на секој чекор и сигурно нема да згрешите доколку се одлучите да баш ова лето го поминете таму!