КРФ
Крф е дел од Јонскиот архипелаг со бујна вегетација, преубави плажи, специфична архитектура… Го карактеризира блага медитеранска клима и обилни врнежи од дожд во текот на зимата, па е едно од најзелените острови на Грција. Туризмот е најразвиен во крајбрежниот дел, а во внатрешноста на островот се наоѓаат недопрени автентични села со традиционален шарм. Градот Крф се развил помеѓу двете тврдини, богат со преубави италијански и француски градби, византиски цркви и плоштади полни со цвеќе. Најпознати се главниот плоштад, Esplanade или Spiniada, Јонската академија, зградата Листон, плоштадот на светците, палатите на св. Михаил и св. Ѓорѓи, дел на градот наречен Мандуки, полуостровот Канони, како и тврдините. Paleokastritsa е едно од најпознатите и најживописните села на островот, на 26 km северозападно од градот Крф, со 750 жители. Место опкружено со импозантни карпи и шесте преубави камчести и песочни плажи, познати по несекојдневното синило на морето, но и по ладната морска вода. Aggelokastro – византиската тврдина во близина на Paleokastritsa на 330 m височина, изградена во 13. век, која што служела за заштита од честите напади на пирати. Achillion – палатата во близина на селото Gastouri, изградена од страна на австриската царица Елизабета 1891. година во чест на грчкиот јунак Ахил. Во текот на II светска војна тука биле сместени болницата и главниот штаб. Островот Vido – Сината гробница и мавзолеј на српските војници од Првата светска војна.
Островот е познат по богатиот ноќен живот, градот Крф со голема понуда на барови и ноќни клубови, како и останатите места Кавос, Рода, Ипсос, Гувиа и Дасиа.
Со право Крф може да се пофали со исклучително убави плажи. На југозападната страна се: Glyfada, Yaliskari, Ag. Giordiоs, Ag. Stefanos, Paleokastritsа. На северната страна се Sidari и Aharavi, со долги песочни плажи. Источната страна е богата со мали, камчести плажи во Kassiopi, Nissaki, Barbati, a во Ipssos, Dassia и Gouvia се долги, песочно-камчести плажи. Помали, камчести плажи се на јужниот дел на островот во Peramа и Benitses.
Agios Georgios – 30 км јужно од Крф – Една од најубавите плажи на островот
Agios Gordiоs – На средината на западниот брег – Песочна, опкружена со карпи од вулканско потекло
Agios Stefanos – 45 км северозападно од Крф – преубава песочна плажа и важи за една од најсигурните плажи на островот, бидејќи е од сите страни заштитена од ветерот
Paleokastritsa – 26 км северозападно од Крф – најсликовитите плажи: камчести и песочни
Myrtiotissa – Западниот брег – Името го добила по манастирот Myriotissa кој се наоѓа над нејзе. Плажата е неорганизирана, неофицијално нудистичка
Barbati – 20 км северно од Крф – една од најчистите плажи
Ermones – западниот, средишниот дел на остров – во подножјето на високата карпа, до која се стигнува со жичара
Glifada – западниот брег, во близина на Пелекас – една е од најпопуларните на островот, 16 км западно од Крф. Песочна е, опкружена со пошумени стрмнини
Roda – 36 км северно од Крф – Рибарско пристаниште со многубројни ресторани и барови
Kalami – 30 км северно од градот – плажата е широка и од гладок камен
Agios Georgios II – 20 км јужно од Крф – мало одморалиште со добра понуда на таверни и барови, ноќни клубови и продавници
Agios Stefanos II – североисточен брег – мала рибарска населба која прераснала во популарно одморалиште со голем избор на вили
Arilas – 35 км северно од градот – долга песочна плажа сместена помеѓу два мали полуострови кои ја штитат од силниот ветер