КАЛИТЕА

Калитеа е летувалиште на источниот брег на полуостровот Касандра и важи за едно од најомилените и најатрактивните дестинации. Оддалечена е од Солун 95 км и 50 км јужно од Полигирос. Калитеа ја основале доселеници од Мала Азија во 1922 година на пеостор од преку 3.500 ha и моментално има 450 постојани жители, а во лето е прав космополитски центар кој има се неопходно за добра забава и одмор. Сопствената општинска управа и денешното име ја добила во 1946 година. Во Калитеа се храмовите посветени на Дионис и Зевс кои се подигнати во втората половина на 4. век. Заливот и плажата се со угорница одвоени од летувалиштето, па средишниот и уредениот парк и терасите на неколкуте ресторани и кафетерии се извонреден видиковец со убав поглед кон Егејското море, што и во превод од грчки значи убав поглед (Калитеа). До плажата се стигнува со 10-тина минути пешачење. Калитеа ја одликува и пешачка зона со бројни плоштади, бутици, мини маркети, банки, пошта, аптека, туристички агенции и агенции за изнајмување возила. Таа е едно од омилените места на туристите од цела Европа, а и на жителите од Солун, поради близината и одличната забава преку викендите.