ЕДИПСОС
Едипсос – е едно од најсатрите европски бањски лекувалишта и летувалишта, кое ќе Ве маѓепса на прв поглед. Уште во грчката митологија се спомнува дека божицата Атина барала од богот Хефес, да на ова место направи минерални извори, за Херкулес да може да се опоравува по исполнување на секоја од 12тете задачи. Листата на славните личности, кои го посетиле Едипсос е долга и импресивна, од филозофот Аристотелис, царевите Адријан и Марко Аурелије, српскиот крал Петар I Караѓорѓевиќ, Винстон Черчил, Марија Калас, Оназис и многу други. Денес е модерно летувалиште, познато по термалните извори, со температура на водата од 34 – 70 степени, која се влива во Егејското море од длабочините од дури 3000 м. Поради тоа морето е топло. Покрај многубројните сместувачки капацитети и спа центри, гратчето нуди и голем број кафетерии, ресторани, таверни, слаткарници, детски игралишта, како и локален пазар и продавници и супер маркети.
Едипсос е на само 10 км од пристаништето Агиокампос, и е идеално како појдовна точка за истражување на северо-западниот дел на остров. Во Едипсос постојат 2 помали плажи, едната се наоѓа во центарот на местото и е песочно-камчеста, а другата е песочна на самите термални извори. На 2 км оддалеченост е долга, песочна плажа Агиос Николаос.
