НЕА ВРАСНА

Летувалиштето Врасна и новата населба Неа Врасна е прав избор за љубителите на живописните пејсажи и оние кои сакаат да истражуваат. Ќе Ве привлече со долината на “Mакедонските Темпи”, со преминот Рентина со реката Рихеио и со погледот од манастирот на Св. Ѓорѓи. Неа Врасна е новоизградено место со нови и модерни куќи. Скоро споена со Аспровалта, ја одликуваат широки улици, уредено шеталиште, долга и широка песочна плажа и чисто море. Мирот е сепак главната одлика на Неа Врасна и се препорачува на оние кои сакаат ваков одмор, како и на семејствата со деца. Тоа не значи дека во понудата нема кафетерии и барови на плажа, таверни и ресторани, a за децата забавен парк. Ви ја препорачуваме и прошетката по шеталиштето или плажата до Аспровалта.  
 
Плажата е долга и широка, воглавно песочна, но на поедини места и камчеста. Морето е чисто и не многу плитко. На плажата има неколку барови, тушеви, во некои делови лежалки и чадори, бесплатни со конзумација на пијалок. Плажата е голема и без голема гужва и е идеална за семејства со деца.   
 
Секако посетете ја црквата на Св. Ѓорѓи во Аспровалта, каде се чува иконата на овој светец која датира од 16. век, Стагира, родното место на античкиот филозоф Аристотелис, античкиот град Филипи, Уранополис, пештерата Дракотрипа.