ПОТИДЕА

Неа Потидеа или како што ја нарекуваат „најубавата плажа на Касандра“, е првото место на овој крак. Основан е од мигранти од источна Тракија во 1922 година, на местото на старата населба Потидеа. Некои историчари тврдат дека првите записи за ова место датираат од 7. век пред нашата ера и зборуваат за колониите од градот Коринт, додека други тврдат дека на ова место постоел древниот град Палини. Но, за едно се согласуваат сите, а тоа е дека географската положба на ова место е одлична, со оглед на тоа дека Неа Потидеа лежи на важна воено-стратешка кота и од Солун е оддалечена на 60км јужно, а излегува на два залива: Термаикос и Торонеос, па лежи на самиот влез на полуостровот Касандра. Над каналот се наоѓа мост со висина од 18м кој ја спојува Касандра со Халкидики. Каналот кој ги спојува двата залива се спомнува уште од Страван во првиот век од нашата ера.

Кралот на Македонија Касандрос во 316. година п.н.е. ја изградил од ново населбата на ова место, која подоцна ја срушил Филип Втори и ја нарекол Касандриа. Во времето на владеење на Турците (од 1430 година) местото го менува својот назив во Порта Касандра или само Порта. За време на владеење на Римското Царство цвета како римска колонија која трае се додека не ја срушат Хуните во 540 година од нашата ера. Тогаш цар Јустинијан му става темели на градот, а рушевините кои и денес постојат се од тоа време. Денешната Неа Потидеа брои околу 1000 жители, а од инфраструктурата има: ресторани, барови, таверни, плоштади и супермаркети, забавен парк за деца, клуб за спортови на вода итн.