Thea House - Kalithea, Kassandra

THEA се наоѓа на прекрасна локација, меѓу шеталиштето и плажата во Калитеа, на левата страна од главната улица која води до Полихроно. Куќата се состои од 2+1 студија и 3+1 студија. Сите нејзини соби гледаат кон море и се лоцирани на приземје или прв кат. Паркинг е дозволен пред самата куќа, но не е препорачливо бидејќи на 30 м оддалеченост има место за паркинг на самата улица и е бесплатен. Наспроти куќата се продавници, ресторани, гиро сендвичари, голем маркет Мацутис, фурна, продавници за сувенири, бунди, бижутерии и летна опрема.

Студијата 2+1 имаат капацитет за 2 возрасни лица + 1 дете. Студијата располагаат со француски кревет со помали димензии на кој би спиеле возрасен и дете и едно единечно регуларно легло, мини кујна со прибор за готвење и јадење, сопствен тоалет, балкон со поглед на море, клима без доплата, ТВ и бежичен интернет, за чија брзина агенцијата не може да гарантира.

Трокреветните студија имаат 3 легла, т.е едно поголемо во мерки од стандардно 90 см легло и две стандардни легла. Капацитетот на овие студија е 3 возрасни лица или 2 возрасни со 2 деца од кој едното спие со родител на поголемото легло.Сите студија имаат балкон со поглед на море, сопствен тоалет, мини кујна со прибор за готвење и јадење, плазма тв, клима и бежичен интернет, за чија брзина агенцијата не може да гарантира.