Кападокија - 01. март

Кападокија

Типот на програма

Автобуска
Услуга 4НВ

Цена 289 еур

4 НВ / Хотел 4*

Турција

Кападокија

ФАСЦИНАНТНА КАПАДОКИЈА

ПОСЛЕДЕН ДЕН ЗА ПРИЈАВУВАЊЕ 25.02.2021

Областа Кападокија, денес дел од Турција, а некогаш нераскинлив дел на Византија, се наоѓа во покраината Невшехир. Во прашање е површина од околу 80 квадратни километри, сместени во источниот дел на Анадолија, односно во источниот дел на Турција, меѓу градовите Невшехир, Арванос и Угруп.
Овој мистичен крај, кој ќе ве маѓепса со својата необична убавина, со векови служел како засолниште на христијаните. Во праисториските периоди првите човечки населби биле изградени под земја, во вулкански карпи, поради заштита од дивите животни. Има и тврдења дека дури и апостолите тука барале засолниште. Тука ќе ве одушеви релјефот со своите егзотични облици, додека под земјата се крие вистинско богатство од скриени цркви, куќи со живописни материјали и древни, вредни икони. 
Тука природата како да си поиграла со боите и облиците, па човек не знае од каде да почне со разгледување. Секој дел од Кападокија е интересен на свој начин, а облиците како да се излезени од некој луд дизајнерски сон. Кога ќе дојдете тука ќе ви стане јасно зошто оваа област била избрана прва за снимање дел до трилогијата „Војна на ѕвездите“.
Веројатно највпечатливи се самовилските оџаци од камен и подземните градови, издлабени во вулкански карпи. Има цели хотели каде што туристите можат и да преспијат во соба од камен, со шарени килими, а достапно ќе ви биде и наргиле со јаболко. Не пропуштајте да го посетите и музејот на отворено или комплексот на пештерски цркви, од кои најпозната е темната црква. Долго била затрупана и гулабите ја користеле за засолниште, а денес нејзината внатрешност е расчистена и пред вашите очи ќе блеснат некои од најубавите фрески од раниот христијански период.
Секако не смеете да не ги посетите подземните градови, а најпознати се Кајмакли и Деринкују, кои можеле да примат меѓу 35 и 50 илјади луѓе под земја, каде што имало сѐ што било неопходно за живот, па дури и капели, винарници, преси за масло, воденички камења. Во Деринкују има 11 нивоа под земја, со вентилација и извори со вода, а секое ниво можело да се затвори и да функционира посебно. Тука е и помалку познатиот град Озконак, кој имал уште поразвиени системи за водоснабдување и вентилација и отишол чекор понапред во подземните градби.
Еден од најдобрите начини да ја обиколите Кападокија е со воздушни балони, што чини околу 150 евра, кога ќе откриете дека погледот од птичја перспектива е восхитувачки. Областа Кападокија е вклучена во списокот на УНЕСКО за заштитени природни реткости.

 

Ѓореме: Срцето на Кападокија – Ѓореме, е главно собиралиште на сите туристи од цел свет. Сместено во процеп помеѓу две платоа, е почетна точка на сите излети. Балоните полетуваат од тука, најубавиот залез и изгрев на сонцето е тука, сите тури почнуват и завршуваат од тука: АТВ КВАД сафари, јавање камили, пешачки тури, јавање коњи, турска сауна, масажа со лековита кал… Градче опколено со автентичен амбиент на Кападокија: со таканаречени самовилини оџаци, пештерски куќи кои се претворени во луксузни идилични хотели, многубројни ресторани, пабови, сувенирници. Место многу живо до касно во ноќта. Место каде се наоѓа најголемиот музеј на отворено со 30 цркви и капели, со извонредни фрески 0д 9-11ти век. Најголем монашки центар во период од 300-1200та год…. со еден збор, наша најтопла препорака за сместување во Ѓореме.

Аванос: Градче со 12000 жители, на северниот брег на надолгата турска река Kizilirmak, некогашна римска Venessa, денеска познат по прочуената грнчарија од црвена глина. Грнчаријата тука се работела уште во времето на Хититите, чии дизајн и мотиви се уште се многу застапени. Грнчарските работилници се во стари, некогашни грчки куќи а работилниците се издлабени во меките стени. Градчето воопшто не потсетува на амбиентот на Кападокија. Оддалечен 10 км од Гореме.

Ургуп: Некогашна Osiana, Agios Prokopios, e најисточено градче во централна Кападокија. За време на владеењето на турците Селџуци, бил прогласен за центар на целиот регион. Во 1515 г. е дел од Османското царство и до 19ти век имало 70 џамии, 5 цркви и 11 библиотеки. Денеска Ургуп е вински центар на Кападокија. Во центарот на местото, посебно во подножјето на “Брдото на желбите”, се уште може да се видат стари напуштени грчки куќи и остатоци од старите цркви во чија внатрешност се забележуваат и фрески. На брдото се наоѓаат и Селџучки гробишта од 11ти век. Оддалечен 10 км од Ѓореме. Има 18.000 жители. Во центарот на градчето се  мали ресторанчиња, сувенирници. Делува на типично мало анадолско градче со мал амбиент на Кападокија.

Учхисар (Uchisar) – “Три тврдини”: Од далеку изгледа како да куќите висат една над друга, во подножјето на големата стена но, штом се приближите, ќе видите големо градче со куќички покрај самиот пат кој кривуда околу литицата на големата стена. Некои од грчките куќи со релјефна декорација, претворени во мали хотели а другите се полусрушени нечии домови. Бајковитиот Учхисар личи на Вавилонска кула од древната Месопотамија во која живеел целиот човечки род, пред господ да го прекине човечкото карање и подели различни јазици. Учхисар е над Ѓореме, со околу 4.000 жители

 

Невшехир: Некогашeн Neopolis и Muskara, брои околу 90.000 жители. Во околината на Невшехир се наоѓаат вулкански карпи, во кои некогаш се живеело. Прибежиште во ова пусто место било на оние кои што бегале од римјаните. Еден период под бизантиците, па римјаните, турците Селџуци, и од 15ти век на Османлиското царство. Денешниот град го оснива големиот везир Damat Ibrahim Pasa, зет на Sultan Ahmed III. Градот се обновува со фонтани, медреси, хамам и добива ново име Nevsehir (нов град). Градот не е посебно туристички интересен а се користи за сместување на туристи кои доаѓаат во Кападокија, поради малиот број на сместувачки капацитети во околина, а и пониската цена. Оддалечен 15 км од Ѓореме.

АНКАРА-КАПАДОКИЈА-БУРСА-ИСТАНБУЛ

01.03.2021 – 07.03.2021

ЦЕНА НА АРАНЖМАНОТ……… 289 евра (17.920 денари)

ПОГЛЕДНИ ДЕТАЛИ

Во цената на аранжманот се вклучени  следните услуги:

  • Превоз на наведената релација со туристички автобус
  • Едно ноќевање со  појадок и вечера  во хотел  4* во Анкара
  • Две ноќевања со појадок и вечера во хотел  4* во Кападокија
  • Едно ноќевање со појадок  во хотел  4* во Бурса
  • Разглед на Анкара
  • Посета на Мавзолејот на Ататурк во Анкара
  • Разглед на областа Кападокија
  • Посета на Музејот на отворено Ѓореме со вклучена влезница
  • Посета на подземниот град Деринкују со вклучена влезница
  • Посета на тврдината Учхисар со вклучена влезница
  • Турска вечер со богата музичка програма и пијалоци
  • Разглед на Бурса
  • Панорамски разглед на Истанбул
  • Професионален локален туристички водич во Анкара, Кападокија и Бурса
  • Организација на аранжманот и придружник на  патувањето

 

Во цената не се вклучени следните услуги:

  • Доплата за еднокреветна соба – 50 евра
  • Летање со балон над Кападокија
  • Патничко  осигурување

НАПОМЕНА:

Патувањето е транзит преку Република Бугарија и не е потребен тест

За влез во Република Турција важноста на пасошот мора да биде 6 месеци од датумот на враќање од патувањето

За реализација на аранжманот потребни се минимум 35 патници

(за време на патувањето ќе се почитуваат сите здравствени протоколи)

Последен рок за пријавување: 25.02.2021 година

ПРОГРАМА

Прв ден: 01.03.2021 (понеделник)

Заминување на групата од Скопје во 15.30 часот  кон Турција. Ноќно возење преку Република Бугарија со попатни застанувања и одмори.

Втор ден: 02.03.2021 (вторник)

Пристигнување во Анкара во претпладневните часови. Разгледување на главниот град на Република Турција со локален туристички водич. Организирана посета на Мавзолејот на Ататурк-основачот на Современа Турција, монументален објект изграден на површина од 750.000 квадратни метри на кои се сместени неколку објекти: мавзолејот, музејот и прекрасниот парк на кои се посадени 48.500  садници донесени од цел свет. По завршување на разгледот сместување на групата во хотел „Royal Carine“ 4**** (http://www.royalcarine.com). Слободно време за одмор од патувањето и за индивидуални прошетки. Вечера. Ноќевање.

Трет ден: 03.03.2021 (среда)

Појадок. Заминување на групата кон Кападокија – област позната по своите рељефни форми создадени пред десетина илјади години по истовременото избувнување на двата вулкана Ерчисе и Хасанда. Областа Кападокија е спомената уште во Библијата. Раните христијани се населиле тука за слободно да ја проповедаат својата религија. Под дејство на водата и воздухот се создале тие чудни форми – чуда на природата. Попатна посета на второто по големина езеро во Турција-Туз Ѓоли, кое е едно од најсолените места на планетата со двојно повеќе концентрација на салинитет од Мртвото Море. Турција обезбедува 70 % од потребите на сол токму од овде. Слободно време за одмор и можност боси да зачекорите по испуканите табли сол на самиот брег на езерото кое во лето сосема испарува и наликува на пустина. Го продолжувме патувањето кон областа Кападокија со пауза во грнчарска работилница во градчето Аванос, надалеку познато по грнчарскиот занает. Тука со векови грнчарските производи се правеле со мешање на црвена глина богата со железо и бела земја од вулканските стени богата со силициум, а дизајнот и мотивите на производите се широко распространети дури и кај денешните уметници. Од тука патот ќе не`води низ анадолската висорамнина меѓу најнеобичните облици на карпи од кои вулканската лава создала неверојатни форми и облици. Ќе ги сретнеме „Трите убавици“, „Долината на камилата“,  „Долината на самовилските оџаци“… безброј чудни форми во природата на кои задолжително им претходат тезги со сувенири, а нам фото пауза. Во попладневните часови пристигнување во централна Кападокија во градчето Ургуп кое за време на Селџуците било прогласено за центар на целиот округ, а денес е вински центар на Кападокија. Сместување во хотел „Tassaray“ 4**** (http://www.oteltassaray.com). . Вечера. Ноќевање.

Четврти ден: 04.03.2021 (четврток)

Доколку дозволат временските услови, љубителите на адреналинот во раните утрински часови ја започнуваат својата најголема авантура-летање со балон над волшебната област. Летот го реализира лиценцирана турска фирма со комплетна организација (трансфер од хотелот до местото на полетување, доделување сертификат на сите учесници и здравица со шампањско). На висина од 600 метри над земјата, балоните ги надлетуваат единствените геолошки форми над карпите на Кападокија, а целиот простор ја менува бојата според изгрејсонцето. Се`одозгора наликува на сцена од фантастичен филм, а летањето со балон е доживување кое ќе се памети цел живот. Во најјаката сезона, секојдневно областа ја надлетуваат над 2000 туристи од целиот свет. Појадок. Целодневна екскурзија низ Кападокија. Името што во превод значи земја на убавите коњи е непрегледната област  пренесена од соништата и фантастичните приказни каде ветерот и сонцето извајале чудни фигури во карпите, а околу V век човечката рака ги издлабила во нив најстарите христијански цркви и манастири. Тука апостол Павле ги води првите христијани, тоа е родното место на Св.Георги и Св.Василиј Велики. Екскурзијата е по таканаречениот „Месечев пејзаж“ создаден од самата природа: розови и бели ѕидови насекаде, магични кули недопрени од човечка рака… сето тоа е распослано во Музејот на отворено Ѓореме кој е под заштита на Унеско… Тука, во ова поклоничко место ќе имате можност да ги посетите уникатните пештерни градови издлабени во карпите каде сеуште се наоѓаат цели домови и дворци, гостински и спални соби, манастири и цркви, светилиштата на православната Византија: школата на свети апостол Павле, ѕидните фрески на православните светци, библиски сцени на старите фрески… Најубавото кафе ќе го испиеме во Долината на гулабите од каде го имаме најраскошниот поглед кој наликува на бајка, а најсмелиот подвиг е искачувањето на врвот на тврдината Учхисар, највисоката точка во околината со неверојатен поглед на целата област. Враќање во хотелот. Вечера. Возбудливиот ден го завршуваме во автентичен турски ресторан издлабен во пештера, каде ќе уживаме во одлична музика, забава и пијалоци. Изведувачите на сцена ќе ги оживеат културата и наследството на Турција преку песна и игра изведувајќи вообичаени народни танци од различни региони, како и традиционални турски свадбени танци, а кога танчарката ќе излезе на сцена, ќе имате можност покрај неа да го научите стомачниот танц. Враќање во хотелот. Ноќевање.

Петти ден: 05.03.2021 (петок)

Појадок. Одјавување од хотелот и заминување на групата кон Бурса. Попатна посета на Деринкују, еден од подземните градови кои Хетите ги изградиле  во длабочина од над десетици километри под земја уште од пред 4000 години. Внатре имало се` што треба да има еден град-резервоари за вода, магацини за жито, воденици, штали, станбени простории… Според некои историчари, во подземните градови во Кападокија во минатото живееле и до 80.000 жители. Во вечерните часови пристигнување во Бурса, старата престолнина на Отоманската империја. Сместување во хотел „ Kirci“ 4**** (https://www.kircihotel.com). Ноќевање.

Шести ден: 06.03.2021 (сабота)

Појадок. Заминуваме на организирано разгледување на четвртиот град по големина во Турција со локален туристички водич. Во центарот на Бурса сеуште има остатоци од Османлиското царство: Султанат Каписи-некогашната влезна капија до која се стигнува од улицата Осман Гази, возвишението Топхане каде Османовиот син Орхан подигнал тврдина, како и мавзолејот на Османската империја во која се сочувани гробниците на шест турски султани заедно со гробницата на Осман и Орхан Гази. Потоа ќе си дозволиме слободно време за посета на Капали чаршијата распослана во должина од осум километри. Имате впечаток како целата чаршија да е прелиена со злато затоа што во секој излог ќе најдете по нешто што сјае. Поголем дел од излозите се токму златарски дуќани, но освен злато, тука има во изобилство турска свила, квалитетна кожа и незаобиколните слатки деликатеси: локум, алва, костени, баклава… Ако не го пробате турскиот чај кој се служи низ улиците, исто како да не сте биле овде. Во договореното време ја напуштаме Бурса и заминуваме кон Македонија. Попатно ќе направиме панорамски разглед на Истанбул, градот кој ги поврзува Европа и Азија, волшебната турска метропола на Босфорот каде Западот се сретнува со Истокот, градот од кој кога ќе излезете убедени сте дека во него сигурно повторно ќе се вратите. Ноќно патување преку Република Бугарија со попатни паузи. Пристигнување во Скопје недела на 07. март околу пладне.

Барање за резервација

МОЖЕБИ ЌЕ ВИ СЕ ДОПАДНЕ

San Panteleimon Beach Hotel **** – N. Panteleimon Beach

Art of Travel

  • Лондонска 2/17А Скопје

  • +389 2 305 1905

  • +389 70 27 93 95

  • artoftravel.mk@gmail.com

  • info@artoftravel.mk

ГАЛЕРИЈА

КОНТАКТ





Страницата на Art of Travel е од информативен карактер! Се трудиме редовно да ја ажурираме, но постои можност за поинакви информации од моментално објавените. Ве молиме сите цени и описи на објекти да ги проверите директно во агенцијата телефонски, на mail или лично. Ви благодариме на разбирањето.



© Copyright 2018 Art of Travel