Лисабон и Порто - Португалија

Лисабон – Порто

Типот на програма

Авионска програма
Поаѓање од Скопје

Цена 899 еур

Термин 26.04.2022
7 ВВ

Португалија

Лисабон>Порто

БИСЕРИТЕ НА ПОРТУГАЛИЈА

Лисабон и Порто

Скопје – Порто – Лисабон

Цена: 899 EUR

7 дена / авион

 

Лисабон е главниот град на Португалија и несомнено еден од најинтересните градови во Европа. Лоциран е на седум ниски ридчиња кај сливот на реката Тежу во Атлантскиот Океан. Центарот на Лисабон има широки, опкружени со дрвја плоштади, тротоари со мозаици и улични кафетерии. Стариот град има неверојатна атмосфера – стрмни улици со пријатни ресторани, барови и продавници. Во 1755 г. поголемиот дел од Лисабон е уништен од катастрофалниот земјотрес, проследен со пожар и бранови цунами. Градот е обновен за само  неколку години и денес има сè што е потребно за да се вљубите во него. 

 

Порто – втор најголем град во Португалија по Лисабон и еден од големите урбани области на Пиринејскиот полуостров. Со местоположба на устието на реката Дуеро на северот на Португалија, Порто е еден од најстарите европски градови, и историскиот центар на градот е прогласен за светско наследство на УНЕСКО од 1996 година. Западниот дел од урбаната област на градот се протега до крајбрежјето на Атлантскиот Океан. Населбата датира од пред многу векови, кога била бастион на Римското Царство. Познат е и по густо и слаткасто вино „Порто“ кое се произведува во винските подруми (adegas) покрај реката. 

 

ПРОГРАМА

26. април (вторник) СКОПЈЕ – ИСТАНБУЛ –  ПОРТО                    

Состанок на групата на аеродромот во Скопје во 07:15 часот. Полетување за Истанбул во 08:45 и пристигнување во 11:15 часот. Полетување во 12:15 и пристигнување во Порто во 15:10 часот. Трансфер до хотелот и сместување. Прошетка до улицата Света Катерина и уживање со добро кафе во кафе барот Мажестик. Ноќевање.

 

27. април (среда)  ПОРТО                                                                                   

Појадок. Прошетка низ Порто, вториот град по големина во Португалија, кој во 1996 година е поставен на листата на УНЕСКО како дел од светското наследство: авенијата Алиадос, катедралата, берзата, црквата на свети Франциско со позлатени барокни резби… Порто е нераскинливо позврзан со реката Дуоро, каде се наоѓа впечатливиот мост Луис, изграден од ученикот на познатиот Ајфел. Ноќевање.

 

28. април (четврток)  ПОРТО                                                                                   

Појадок. Разгледувањето на Порто продожува до речниот брег, во квартот Вила Нова де Гаја. Можност за дегустација на локалните вина, од категоријата на најдобри европски вина, кои ги прославија Порто и долината на реката Дуоро со своите лозја и винарските визби. Ноќевање.

 

29. април (петок)   ПОРТО – ЛИСАБОН                          

Појадок. Организиран трансфер до Лисабон. Разглед на португалскиот главен град кој ужива особено сончева позиција на крајбрежјето на европскиот Атлантик: плоштадот Маркиз де Помбал, авенијата на Слободата, покрај реката Тежо, во зоната на плоштадот Комерцио и квартот Алфама. Препорачуваме посета на кулата Белем каде се наоѓа споменикот на славните португалски морепловци и нивните откритија, со кратко застанување на местото од каде Васко де Гама испловил на патување до Индија. Разгледот продолжува до симболот на Лисабон – манастирот Свети Јероним од 16. век, кој е под заштита на УНЕСКО. Сместување во хотелот. Вечерна прошетка по елегантната авенија на Слободата до плоштадите Росио и Рестаурадорес. Прошетката продолжува по уличките со калдрма низ квартот Алфама со можност за возење со стариот трамвај до катедралата и замокот од каде се пружа прекрасна панорамска глетка на централниот дел на Лисабон. Ноќевање.

 

30. април (сабота)  ЛИСАБОН – ПАРК НА НАЦИИТЕ    

Појадок. Прошетка до Паркот на Нациите, комерцијален и резиденцијален кварт, каде се одржа светската изложба EXPO. Местото е полно со атракции, ресторани и продавници, а во близина се наоѓа и прочуениот Океанариум, втор по големина во светот, со повеќе од 10.000 растителни и животински видови. Препорачуваме возење со жичарата со панорамски поглед кон најдолгиот мост во Европа „Васко де Гама“, со должина од 17 километри. Можност за посета на продавниците во еден од најголемите шопинг центри во Европа, Freeport Outlet Designer Mall. Ноќевање.

 

01. мај (недела)    ЛИСАБОН И ОКОЛИНАТА               

Појадок. Факултативна екскурзија до Синтра, сликовит град под заштита на УНЕСКО, некогашна летна резиденција на португалските кралски семејства. Патувањето продолжува до најзападната точка на континентална Европа, Кабо да Рока. Покрај океанскиот брег, патот води до Кашкаиш, некогашно рибарско село, а денес познато летувалиште, кое со шеталиште е поврзано со Есторил. Ова монденско летувалиште со голем број голф терени, луксузни хотели и огромно казино се споредува со Монте Карло. Вечерта, препорачуваме вечера со ритамот на специфичната португалска музика Фадо. Ноќевање.

 

02. мај (понеделник)  ЛИСАБОН – ИСТАНБУЛ – СКОПЈЕ                                      

Појадок. Организиран трансфер до аеродромот во Лисабон. Полетување за Истанбул во 11:20 часот. Пристигнување во Истанбул во 18:00 и полетување за Скопје во 19:00. Слетување во Скопје во 19:30 часот.

 

ЦЕНА НА АРАНЖМАНОТ:   899 евра (55.750 денари)

СЛИКИ И УСЛОВИ

ВО ЦЕНАТА Е ВКЛУЧЕНО:

– Повратен авионски превоз на релацијата Скопје-Истанбул-Порто и Лисабон – Истанбул – Скопје

со вклучени аеродромски такси

– Багаж за чекирање до 30 kg и Рачен багаж (ташна и 1 торба до 8 kg)

– Трансфер од аеродромот до хотелот во Порто

– Трансфер од хотелот во Порто до хотелот во Лисабон

– Трансфер од хотелот до аеродромот во Лисабон

– 3 ноќевања со појадок во Хотел 3/4* во Порто

– 3 ноќевања со појадок во Хотел 3/4* во Лисабон

– Разглед и прошетки во Лисабон според програмата

– Разглед и прошетки во Порто според програмата

– Професионална организација на аранжманот и придружник на патувањето

 

ВО ЦЕНАТА НЕ Е ВКЛУЧЕНО:

– Туристичка такса 18 евра (се плаќа во хотелите на рецепција)

– Факултативен излет во околината на Лисабон (Синтра, Кабо да Рока, Кашкаиш, Есторил) 75 евра

– Карти за локален превоз (метро)

– Патничко-здравствено осигурување

 

 

НАПОМЕНИ

-За реализација на аранжманот е потребен минимум од 20 патници

-За овој аранжман важат општите услови за патување на СКТМ 

– Цените се дадени во евра, уплата се врши во денарска противвредност по курс 1 евро = 62 денари

– Пасошот треба да важи минимум 6 месеци по завршувањето на патувањето

БАРАЊЕ ЗА РЕЗЕРВАЦИЈА

Можеби ќе Ви се допадне

KUSTUR CLUB HOLIDAY CLUB ***** – Kusadasi

Hotel CLUB A *** – Kopaonik

AQUILON Residence & Spa *** – Banya Bansko

VASILIS – Nei Pori, Pieria

Art of Travel

  • Лондонска 2/17А Скопје

  • +389 2 305 1905

  • +389 70 27 93 95

  • artoftravel.mk@gmail.com

  • info@artoftravel.mk

ГАЛЕРИЈА

КОНТАКТ





Страницата на Art of Travel е од информативен карактер! Се трудиме редовно да ја ажурираме, но постои можност за поинакви информации од моментално објавените. Ве молиме сите цени и описи на објекти да ги проверите директно во агенцијата телефонски, на mail или лично. Ви благодариме на разбирањето.



© Copyright Art of Travel