Кападокија - 07. октомври

Кападокија - магија и мистика / Солено Езеро, Кајсери, Анкара

Типот на програма

Автобуска
Услуга 3НВ

Цена 189 еур

3 НВ / Хотел 4*

Турција

Кападокија

ФАСЦИНАНТНА КАПАДОКИЈА

ПРОМОТИВНА ЦЕНА ЗА УПЛАТА ДО 25.09.2020 – 189 ЕУР

Областа Кападокија, денес дел од Турција, а некогаш нераскинлив дел на Византија, се наоѓа во покраината Невшехир. Во прашање е површина од околу 80 квадратни километри, сместени во источниот дел на Анадолија, односно во источниот дел на Турција, меѓу градовите Невшехир, Арванос и Угруп.
Овој мистичен крај, кој ќе ве маѓепса со својата необична убавина, со векови служел како засолниште на христијаните. Во праисториските периоди првите човечки населби биле изградени под земја, во вулкански карпи, поради заштита од дивите животни. Има и тврдења дека дури и апостолите тука барале засолниште. Тука ќе ве одушеви релјефот со своите егзотични облици, додека под земјата се крие вистинско богатство од скриени цркви, куќи со живописни материјали и древни, вредни икони. 
Тука природата како да си поиграла со боите и облиците, па човек не знае од каде да почне со разгледување. Секој дел од Кападокија е интересен на свој начин, а облиците како да се излезени од некој луд дизајнерски сон. Кога ќе дојдете тука ќе ви стане јасно зошто оваа област била избрана прва за снимање дел до трилогијата „Војна на ѕвездите“.
Веројатно највпечатливи се самовилските оџаци од камен и подземните градови, издлабени во вулкански карпи. Има цели хотели каде што туристите можат и да преспијат во соба од камен, со шарени килими, а достапно ќе ви биде и наргиле со јаболко. Не пропуштајте да го посетите и музејот на отворено или комплексот на пештерски цркви, од кои најпозната е темната црква. Долго била затрупана и гулабите ја користеле за засолниште, а денес нејзината внатрешност е расчистена и пред вашите очи ќе блеснат некои од најубавите фрески од раниот христијански период.
Секако не смеете да не ги посетите подземните градови, а најпознати се Кајмакли и Деринкују, кои можеле да примат меѓу 35 и 50 илјади луѓе под земја, каде што имало сѐ што било неопходно за живот, па дури и капели, винарници, преси за масло, воденички камења. Во Деринкују има 11 нивоа под земја, со вентилација и извори со вода, а секое ниво можело да се затвори и да функционира посебно. Тука е и помалку познатиот град Озконак, кој имал уште поразвиени системи за водоснабдување и вентилација и отишол чекор понапред во подземните градби.
Еден од најдобрите начини да ја обиколите Кападокија е со воздушни балони, што чини околу 150 евра, кога ќе откриете дека погледот од птичја перспектива е восхитувачки. Областа Кападокија е вклучена во списокот на УНЕСКО за заштитени природни реткости.

 

Ѓореме: Срцето на Кападокија – Ѓореме, е главно собиралиште на сите туристи од цел свет. Сместено во процеп помеѓу две платоа, е почетна точка на сите излети. Балоните полетуваат од тука, најубавиот залез и изгрев на сонцето е тука, сите тури почнуват и завршуваат од тука: АТВ КВАД сафари, јавање камили, пешачки тури, јавање коњи, турска сауна, масажа со лековита кал… Градче опколено со автентичен амбиент на Кападокија: со таканаречени самовилини оџаци, пештерски куќи кои се претворени во луксузни идилични хотели, многубројни ресторани, пабови, сувенирници. Место многу живо до касно во ноќта. Место каде се наоѓа најголемиот музеј на отворено со 30 цркви и капели, со извонредни фрески 0д 9-11ти век. Најголем монашки центар во период од 300-1200та год…. со еден збор, наша најтопла препорака за сместување во Ѓореме.

Аванос: Градче со 12000 жители, на северниот брег на надолгата турска река Kizilirmak, некогашна римска Venessa, денеска познат по прочуената грнчарија од црвена глина. Грнчаријата тука се работела уште во времето на Хититите, чии дизајн и мотиви се уште се многу застапени. Грнчарските работилници се во стари, некогашни грчки куќи а работилниците се издлабени во меките стени. Градчето воопшто не потсетува на амбиентот на Кападокија. Оддалечен 10 км од Гореме.

Ургуп: Некогашна Osiana, Agios Prokopios, e најисточено градче во централна Кападокија. За време на владеењето на турците Селџуци, бил прогласен за центар на целиот регион. Во 1515 г. е дел од Османското царство и до 19ти век имало 70 џамии, 5 цркви и 11 библиотеки. Денеска Ургуп е вински центар на Кападокија. Во центарот на местото, посебно во подножјето на “Брдото на желбите”, се уште може да се видат стари напуштени грчки куќи и остатоци од старите цркви во чија внатрешност се забележуваат и фрески. На брдото се наоѓаат и Селџучки гробишта од 11ти век. Оддалечен 10 км од Ѓореме. Има 18.000 жители. Во центарот на градчето се  мали ресторанчиња, сувенирници. Делува на типично мало анадолско градче со мал амбиент на Кападокија.

Учхисар (Uchisar) – “Три тврдини”: Од далеку изгледа како да куќите висат една над друга, во подножјето на големата стена но, штом се приближите, ќе видите големо градче со куќички покрај самиот пат кој кривуда околу литицата на големата стена. Некои од грчките куќи со релјефна декорација, претворени во мали хотели а другите се полусрушени нечии домови. Бајковитиот Учхисар личи на Вавилонска кула од древната Месопотамија во која живеел целиот човечки род, пред господ да го прекине човечкото карање и подели различни јазици. Учхисар е над Ѓореме, со околу 4.000 жители

 

Невшехир: Некогашeн Neopolis и Muskara, брои околу 90.000 жители. Во околината на Невшехир се наоѓаат вулкански карпи, во кои некогаш се живеело. Прибежиште во ова пусто место било на оние кои што бегале од римјаните. Еден период под бизантиците, па римјаните, турците Селџуци, и од 15ти век на Османлиското царство. Денешниот град го оснива големиот везир Damat Ibrahim Pasa, зет на Sultan Ahmed III. Градот се обновува со фонтани, медреси, хамам и добива ново име Nevsehir (нов град). Градот не е посебно туристички интересен а се користи за сместување на туристи кои доаѓаат во Кападокија, поради малиот број на сместувачки капацитети во околина, а и пониската цена. Оддалечен 15 км од Ѓореме.

ПОГЛЕДНИ ДЕТАЛИ

ЦЕНА  НА  АРАНЖМАНОТ, во зависност од изборот на хотел во Кападокија :

 

TOURIST HOTEL & RESORT CAPPADOKIA 4* – ЃОРЕМЕ  – Наша препорака! Од просторот пред  хотелот полетуват балоните!

ЦЕНА ЗА УПЛАТА ДО  25.09.2020:  189 €  (11.720 денари)

РЕДОВНА ЦЕНА НА АРАНЖМАНОТ:   209 €  (12.960 денари)

CAVE / STONE – ПЕШТЕРСКИ ХОТЕЛИ во ЃОРЕМЕ

Појадок со поглед на “Вилините оџаци“ но и на балоните кои летаат над Вас!

OSMANBAY CAVE HOTEL,  ZARA CAVE HOTEL и сл. – Уникатно доживување, престој во реновирани пештерски куќи, луксузно опремени соби со ТВ, купатило и тоалет, клима/греење…

ЦЕНА ЗА УПЛАТА ДО 25.09.2020: 209 €  (12.960 денари)

РЕДОВНА ЦЕНА НА АРАНЖМАНОТ:   229 €  (14.200 денари)

 

ЦЕНАТА ВКЛУЧУВА:

·        Aвтобуски превоз на наведената релација (тв, двд, клима, тоалет)  Ковид 19 протокол запазен!

·         3 полупансиони во хотел TOURIST 4*во Ѓореме, во срцето на Кападокија. Од платото на хотелот, покрај прекрасниот базен, ќе го гледате полетувањето на балоните.

или

·         3 полупансиони  во  CAVE / STONE хотели  OSMANBAY CAVE HOTEL,  ZARA CAVE и сл. во Ѓореме, во срцето на Кападокија.

Појадок шведска маса, вечера на база послужување во локален ресторан во Ѓореме.

·         Посета на соленото езеро Туз Ѓолу,

·         Организација на патувањето,

·         Лиценциран, искусен туристички придружник на патувањето.

 

ЦЕНАТА НЕ ВКЛУЧУВА:

·  Задолжително патничко осигурување без франшиза

· Голема Тура Кападокија, со влезници и  вклучен ручек (без пијалок), автобус, локален водич: (45€),

· Срцето на Кападокија со влезници и ручек (без пијалок), автобус, локален водич: (45€),

·  Црвена Долина  со залез на сонцето, автобус, локален водич: (15€),

· Mагијата на Кападокија, со посета на  Кајсери, автобус, локален водич: (35€),

·  Турска вечер со шоу програма, вечера и неограничен пијалок, автобус, локален водич: (35€),

·  Танц на дервишите /церемонија, автобус, локален водич: (25€),

·  Лет со балон  – (од     €) . Ве молиме да се изјасните за желба за лет со балон при резервација. Информација за  цена, одобрение за лет поради Ковид 19, можни слободни места, ќе имаме  непосредно пред патувањето.)

·  Туристичка такса 300 ден по лице (се плаќа во агенција)

 

·         Доплата за еднокреветна соба :  х.Турист 3900 ден, Cave: 4200 ден

* За реализација на ова патување, потребен е мин./макс. од 40 патници. (75% пополнетост на автобус)

* Плаќањето се врши исклучиво во денарска противвредност според наведената денарска цена.

* За резервација на аранжманот задолжителна е аконтација од 30%, целосна уплата најдоцна 10 дена пред поаѓање

* Агенцијата го задржува правото за отказ на аранжманот најмалку 5 дена пред поаѓање, во случај на помал број на пријавени патници или други непредвидливи ситуации поради пандемијата, која го спречува патувањето.

* Агенцијата го задржува правото на промена на редослед на излетите и посетите.

* Седењето во автобус е според датумот на уплатата и слободните места.

* Важноста на пасошот треба да биде мин. 6 месеци од денот на напуштање на Турција.

* Ги запазуваме сите протоколи за патување дадени за Ковид 19.

ПРОГРАМА

01. Ден СКОПЈЕ – ЃОРЕМЕ, КАПАДОКИЈА

Состанок на групата на паркингот кај спортскиот центар Борис Трајковски во 08:30 ч.. Поаѓање во 09:00 часот. Се патува преку гр.премин Деве Баир, Бугарија (Софија, Пловдив), покрај Истанбул, Анкара, со попатни паузи за одмор и царински формалности.

02. Ден СОЛЕНО ЕЗЕРО (TUZ GOLU) - ЃОРЕМЕ,КАПАДОКИЈА

Патуваме кон Кападокија со попатна пауза кај големото солено езеро Туз Ѓолу, едно од најголемите солени езера во светот… долго 80 км, широко 50 км, длабоко 50 см, (во зимскиот период  достигнува длабочина и до 1.5 метар). Најголемиот дел од залихите со сол во Турција се црпат токму од ова езеро…  По одморот продолжуваме кон Ѓореме, Кападокија. Пристигнувањее во пладневните часови.  Сместување во одбран хотел. Индивидуална прошетка и запознавање со местото.

Во пoпладневните часови започнува магијата на Кападокија:

Предлагаме возбудлива посета на ЦРВЕНА ДОЛИНА и запознавање со првите приказни за Кападокија. Потоа прошетка низ стара грчка напуштена населба Чаушин, но и стари селџучки куќи кои се уште се во употреба. Прошетка покрај “самовилините оџаци“. Можност за освежување со свежо цеден сок од калинка. Посета на остатоците од старата тврдина – место со најубавиот залез на сонцето (факултативно). Вечера. Слободна вечер за индивидуални прошетки низ Ѓореме.  Ноќевање.

03. Ден ЃОРЕМЕ, КАПАДОКИЈА : ЛЕТ СО БАЛОН – “КАПАДОКИЈА ГОЛЕМА ТУРА” – ТУРСКА ВЕЧЕР

1. ЛЕТ СО БАЛОН: од платото на хотел ТУРИСТ 4*!

Рано наутро пред магичното изгрејсонце на Кападокија, можност за лет со балон над самовилските оџаци на Кападокија. Ова е авантура што никогаш нема да ја заборавите… уживајте во  убавината и возбудата додека балонот нежно се издига. Слушајте го татнежот на печката што го загрева воздухот во балонот. Восхитувајте се на неверојатниот поглед на повеќе од 100 балони во лет, и секако… магичното изгрејсонце. Во состав на екскурзијата е вклучена и лесна закуска со чај/кафе, шампањско на крај на летот и сертификат за летање со балонот. Враќање во хотел.

Секако и тие што нема да летаат, ќе имат возбудлива глетка на подготовка и полетување на балоните. Летот на балоните најмногу зависи од временските услови (ветер, дожд, магла) и протокол за Ковид 19. Појадок.

 

2. КАПАДОКИЈА ГОЛЕМА ТУРА: Ве водиме во подземниот град  Кајмакли, издлабен во вулкански камен во 7миот век п.н.е, еден од најголемите и најдобро сочувани подземни градови на Кападокија, откриени 4 ката под земјата, поврзан со подземниот град Деринкују, со подземен тунел долг 9 км…. Продолжуваме кон долината Ихлара, долга 16 км, која од двете страни е опколена со цркви во карпите. Пријатна прошетка  по дел од долината, по течението на реката Мелендиз,  со пауза за освежување во традиционална чајџилница на самата река. Пауза за ручек во анадолското село Белисирма, покрај самата река… Продолжуваме кон манастирот Селиме, најголемиот и најмоќниот религиозен објект во  Кападокија, издлабен во карпите во 8ми или 9ти век, од христијанските монаси. Историските записи велат дека за изградба на овој манастир-црква со димензии на катедрала, биле потребни 200 години. Враќање во хотел. Вечера.

 

3. ТУРСКА ВЕЧЕР: Во вечерните часови  ве водиме на турска вечер со традиционални игри и стомачен танц,  во автентичен, пештерски амбиент од Кападокија. Богатото шоу го следиме со типично турско мезе, вкусна  вечера по ваш избор и неограничена дегустација на локално вино, турска ракија, водка, пиво, сокови.  Враќање во хотел. Ноќевање.

04. Ден ЃОРЕМЕ, КАПАДОКИЈА – “ МАГИЈАТА НА КАПАДОКИЈА” (МУСТАФАПАША - КАЈСЕРИ)

Појадок. ….Во водиме во едно возбудливо минато, со траги и остатоци од многу цивилизации. Почнуваме со посета на Мустафапаша, стара грчка населба  Синасос, некогаш едно од најбогатите места. Денеска, место каде живеат Македонци. Потоа ве водиме до Keslik манастирот, издлабен во вулканскиот туф уште во времето на византијците, а се користел све до 1920та г. Потоа пристигаме во  Кајсери. Голем, моќен и многу важен центар кој Селџуцките турци, го освојуваат како и Кападокија и цела централна Анадолија во 1084та год.. Место каде што се уште постои најстарата болница во Анадолија, изградена од селџуците во 1206та год. а денес претворена во Музеј на историјата на селџуците. Ќе ја видиме и  Sahibiye medresesi – некогашната школа за исламот, денеска претворена во продавница за книги. Ќе ја видиме и џамијата Hunat Hatun oд 13ти век. Во Кајсери постојат и остатоци од римскиот период. Кајсери е познат по најквалитетната ПАСТРМА и СУЏУК во Турција. На 25 км од Кајсери се издигнува највисоката планина во Анадолија, Erciyes, висока 3917 m., со кратер на врвот од изгаснат вулкан. Прошетка низ прочуената Кајсери чаршија. Место познато и од турските ТВ серии. Секако,  ве водиме  и во шопинг центар ФОРУМ.

Враќање во хотел. Слободно време. Вечера.

По вечерата, можност да присуствувате на религиозна церемонија – танц на дервишите, во автентичен амбиент на   SARIHAN керван сарај од 1259, сместен покрај некогашниот пат на свилата.

Доживејте ја магијата на единствената мистична изведба на дервишите.  Ноќевање.

05. Ден ЃОРЕМЕ,КАПАДОКИЈА: “СРЦЕТО НА КАПАДОКИЈА”

Појадок.  Ве водиме во срцето на Кападокија. Прошетката започнува со Ѓореме – срцето на Кападокија, со посета на  “Ѓореме музејот на отворено”- огромен манастирски комплекс, познат по фреските од 10-12ти век, на кои е опишан животот на монасите и Исус Христос. Сите цркви во Ѓореме датираат од 9ти век, импозантни цркви вдлабени во карпите, со преубави фрески, со бои кои до денес ја задржале својата свежина, а најзначајна од нив е црквата Св. Василиј… Комплексот е под заштита  на УНЕСКО од 1984та год. Одиме кон замокот Учхисар, највисоката точка на Кападокија, со величенствен поглед на Ѓореме… Продолжуваме кон Чавушин, напуштено село со пештери и грчки куќи.  Пауза за ручек. Попатна посета на работилница за грнчарство и можност да купите рачно изработен сувенир.  Следи разглед на  Пашабаги, со необичната формација на троглава самовила… а потоа посета на долината на имагинации Дервент, преполна со природни камени форми со ликови на животни, фасцинантни облици од камен, варовник и туфови карпи наречени – волшебни оџаци. Посета на долината Зелве.  Посета на долината на љубовта и за крај кратка пауза за фотографирање во долината на гулабите…

 

КАПАДОКИЈА – АНКАРА – СКОПЈЕ: Полни со впечатоци, во доцните попладневни часови поаѓаме кон Скопје, со попатно ноќно панорамско разгледување на Анкара: центарот Кизил Ај, големата џамија, Маузолејот на Ататурк – Анит Кабир, зградата на стариот Парламент каде Ататурк прогласил конечно ослободување од султанството и Независна Република.

Ноќно возење покрај  Истанбул, Едрене, гр. премин Капикуле, Пловдив, Софија

06. Ден - СКОПЈЕ

Пристигнување во Скопје во вечерните часови.

Барање за резервација

МОЖЕБИ ЌЕ ВИ СЕ ДОПАДНЕ

Ionian Theoxenia Hotel **** – Kanali

Aparthotel Belvedere Holiday Club – Bansko

Art of Travel

  • Лондонска 2/17А Скопје

  • +389 2 305 1905

  • +389 70 27 93 95

  • artoftravel.mk@gmail.com

  • info@artoftravel.mk

ГАЛЕРИЈА

КОНТАКТ





Страницата на Art of Travel е од информативен карактер! Се трудиме редовно да ја ажурираме, но постои можност за поинакви информации од моментално објавените. Ве молиме сите цени и описи на објекти да ги проверите директно во агенцијата телефонски, на mail или лично. Ви благодариме на разбирањето.



© Copyright 2018 Art of Travel