НЕИ ПОРИ
Неи Пори се наоѓа јужно од Платамона, на самиот крај од Пиериа, а го карактеризираат убаво уредениот песочен брег и топлата и бистра вода, широките улици, уредените плоштади и бројните игралишта за деца. Ова место нуди голем избор на свежа риба, убави таверни и одлична забава во локалните барови.
Сликовитото летувалиште Неи Пори практично лежи во сенката на планината Олимп, а она што го краси е долга и широка, песочна плажа и топло и чисто море со постепен влез, па е особено барано, како дестинација, од семејствата со мали деца. Неи Пори во превод значи “Ново Место” , а изградено е во 70тите години на минатиот век и е градено по урбанистичките планови. Улиците се широки со пространи плоштади. Жителите воглавно се занимаваат со туризам. Во местото има и црква, основно училиште, културен центар, две фудбалски игралишта, амбуланта, како и голем број на апартмани и хотели, како и забавен парк. Пазарен ден е петок. Вода од водоводот се конзумира бидејќи извира на Олимп.